किरण गुरुङको उद्घोष : वामदेवले छाडे पनि हामी केपी ओलीकै साथमा छौं

शुभेच्छा न्यूज संम्वाददाता
पोखरा । नेपाल कम्युनिस्ट पार्टी (नेकपा) का स्थायी समिति सदस्य किरण गुरुङले सचिवालय सदस्य बामदेव गौतमले अध्यक्ष केपी शर्मा ओलीलाई साथ नदिए पनि आफूहरु ओलीकै साथमा रहने सार्वजनिक घोषणा गर्नुभएको छ ।

स्थायी कमिटीको जारी बैठकमा गौतम अध्यक्ष तथा प्रधानमन्त्री ओलीबिरुद्ध निर्मम ढंगबाट प्रस्तुत भएपछि नेता गुरुङले बामदेवको साथमा आफूहरु नरहेको र अध्यक्ष ओलीकै साथमा रहने घोषणा गर्नुभएको हो ।

काठमाडौं ७ का सांसद रामबीर मानन्धरलाई राजीनामा गराएर आफू सांसद बन्ने गौतमको चाहनामा अध्यक्ष ओली सकारात्मक नभएपछि उहाँ बिपरित कित्तामा उभिनु भएको छ । यद्यपी गौतम स्वयंले अध्यक्षलाई साथ नदिने घोषणा भने गर्नुभएको छैन । तथापी उहाँको बिचार र ब्यवहार अध्यक्षबिरुद्ध मात्रै केन्द्रित रहेको छ ।

पछिल्लो सयम गौतम अध्यक्ष ओलीबिरुद्ध खनिएको बेला उनकै अत्यन्त निकट सहयोगी भनिने नेता किरण गुरुङले बामदेवकै साथमा आफू नरहेको र अध्यक्ष ओलीलाई सघाउने प्रष्ट पार्नुभएको छ ।

केपी ओलीलाई साथ दिने बेला पनि उहाँसँग सल्लाह गरेर साथ दिएको होइन । वामदेव कमरेडले केपी कमरेडसँग फरक ढंगले डिल गर्नुभयो । हामीहरुले पनि रविन्द्र अधिकारी लगायत) फरक ढंगले केपी कमरेडलाई सघायौं ।

वामदेव त कहिले केपीलाई समर्थन गर्छु भन्ने, पछि होइन भन्ने उहाँको त ठेगान नै थिएन । त्योबेला हामीले अब वामदेव कमरेड कता लाग्नुहुन्छ थाहा छैन, तर हामी केपी कमरेडलाई सहयोग गर्छौं भनेर लागेका हौं ।

‘मचाहिँ अहिले केपी कमरेडलाई सहयोग गर्ने पक्षमा हो । मलाई वामदेवनिकट भन्नु नै जरुरी छैन । मैले प्रष्ट रुपमा मलाई केही पनि चाहिँदैन भनेर सहयोग गरेको हो । मैले कुनै शर्त राखेर बार्गेनिङ गरेर केपी कमरेडलाई सहयोग गरेको होइन । मैले हिजो झलनाथ खनाललाई अध्यक्ष बनाउन सहयोग गरेँ ।

त्यस्तै माधव नेपाललाई पनि सहयोग गरेँ । पार्टी विभाजनको बेला वामदेव गौतमलाई सहयोग गरेँ । अहिले केपी ओलीलाई सहयोग गरेको छु । मैले सबै नेताहरुलाई पालो पुर्याजएर सहयोग गरेको छु र मैले सहयोग गरेपछि जित्नु पनि भएको छ,’ अनलाइन खवरसँगको लामो अन्तरवार्तामा नेता गुरुङले भन्नुभएको छ ।

उहाँले बामदेव गौतम जता लागे पनि आफूहरु चाँहि ओलीकै साथमा रहने घोषणा पनि गर्नुभएको छ । ‘मैले प्रष्ट भनिसकेँ । वामदेव कमरेडले यहाँ जानुपर्छ भनेर गएको पनि होइन । हिजो पनि हामीलाई उहाँले म जता जान्छु त्यतै लाग्नुपर्छ भन्नुभएको होइन । आफूलाई जे ठीक लाग्छ त्यो गर्ने हो ।

अहिले हामीलाई केपी ओलीको साथ छाड्नुपर्ने अवस्था छैन । उहाँको कुरा उहाँले जान्ने हो, तर उहाँले भन्दैमा हामीले छाड्दैनौं, गुरुङले भन्नुभयो । गुरुङले बामदेवलाई सोधेर अध्यक्ष ओलीको पक्षमा अफूहरु नलागेको र अव पनि गौतमको भनाइमा नलाग्ने प्रष्ट पार्नुभयो ।

‘अहिले बामदेव गौतमले जुन फरक मत ल्याउनुभयो, यसमा तपाईको सहमति छैन त भन्ने प्रश्नमा उहाँले भन्नुभयो, ‘होइन, त्यो त सहमतिको कुरै रहेन । पार्टी विभाजनका बेला वामदेवलाई साथ दिए पनि त्यसपछि कतिपय बेलामा उहाँ र हाम्रो फरक(फरक लाइन रहने गरेको छ ।

पार्टी एकीकरणपछि जनकपुर महाधिवेशनमा उहाँ केपी कमरेडतिर लाग्नुभयो, हामीले माधवलाई साथ दियौं । बीचमा उहाँ र हामी झलनाथलाई बनाउन एक ठाउँमा भयौं ।

अहिले केपी ओलीलाई साथ दिने बेला पनि उहाँसँग सल्लाह गरेर साथ दिएको होइन । वामदेव कमरेडले केपी कमरेडसँग फरक ढंगले डिल गर्नुभयो । हामीहरुले पनि रविन्द्र अधिकारी लगायत) फरक ढंगले केपी कमरेडलाई सघायौं । वामदेव त कहिले केपीलाई समर्थन गर्छु भन्ने, पछि होइन भन्ने उहाँको त ठेगान नै थिएन ।

त्योबेला हामीले अब वामदेव कमरेड कता लाग्नुहुन्छ थाहा छैन, तर हामी केपी कमरेडलाई सहयोग गर्छौं भनेर लागेका हौं । त्योबेला पनि हामीले वामदेवले सहयोग नगरे पनि हामीचाहिँ तपाईलाई सहयोग गर्छौं भनेर उहाँ (ओली) लाई प्रष्ट ढंगले भनेको हो।

मैले प्रष्ट भनिसकेँ । वामदेव कमरेडले यहाँ जानुपर्छ भनेर गएको पनि होइन । हिजो पनि हामीलाई उहाँले म जता जान्छु त्यतै लाग्नुपर्छ भन्नुभएको होइन । आफूलाई जे ठीक लाग्छ त्यो गर्ने हो । अहिले हामीलाई केपी ओलीको साथ छाड्नुपर्ने अवस्था छैन । उहाँको कुरा उहाँले जान्ने हो, तर उहाँले भन्दैमा हामीले छाड्दैनौं

उहाँले बामदेव गौतमले स्थायी समितिमा राखेको फरक मत उहाँको ब्यक्तिगत भएको पनि प्रष्ट पार्नुभएको छ । ‘पहिलो कुरा त त्यो उहाँको व्यक्तिगत मत हो । मेरो आफ्नो व्यक्तिगत मत मैले बैठकमा राखेको छु । उहाँले त्यसलाई फरक मत पनि भन्नुभएको छैन । उहाँलाई लागेका कुरा, चित्त नबुझेका कुरा लिखितरुपमा बैठकमा राख्नुभएको हो ।

तर, बाहिर आउँदा ठूलै हल्ला भयो । वास्तवमा वामदेव कामरेडको बारेमा मिडिया र सोसल मिडियामा साह्रै नकारात्मक छवि छ । उहाँलाई अलग्गै चित्रण गरियो । अलग्गै दस्तावेज ल्याउने, पार्टी नै विभाजन गर्ने जस्ता आरोप उहाँमाथि लागे ।
jantatime