नेविसंघ गुल्मीले प्रतिनिधि खटाएर स्थानीय तहमा धमाधम नयाँ कमिटी बानाउदैं

सन्तोष महतारा
गुल्मी । नेपाल विद्यार्थी संघ गुल्मीले महाधिवेशनको संघारमा स्थानीय तहहरुमा प्रतिनिधि खटाएर धमाधम नयाँ कमिटीहरु बनाउन थालेको छ । जिल्लाका सबै बिद्यालय, क्याम्पस र स्थानीय तहमा नयाँ कार्य समिति गठन प्रक्रिया अगाडि बढाएको हो।त्यसको लागि संघले प्रतिनिधि तोकेर प्रक्रिया अगाडि बढाएको हो।

संघको सदरमुकाममा बसेको बैठकले यहि माघ ५ गतेसम्म जिल्लाका सबै बिद्यालय, क्याम्पस र स्थानीय तहमा नयाँ कार्य समिति गठन गर्ने निर्णय गरेको नेविसंघ गुल्मीका कार्यवाहक सभापती झविन्द्र पाण्डेयले जानकारी दिए।

बैठकले रेसुङ्गा नगरपालिकाको लागि नेविसंघ गुल्मीका कार्यवाहक अध्यक्ष झविन्द्र पाण्डेलाई खटाएको छ । त्यसैगरी मुसिकोट नगरपालिकामा रामप्रसाद आचार्य, मालिका गाउँपालिकामा रमेश बुढालाई प्रतिनिधिका रुपमा खटाएको नेविसंघ गुल्मीले जनाएको छ ।

जिल्लाको चन्द्रकोट गाउँपालिकामा पुण्य सुवेदी, गुल्मीदरबार गाउँपालिकामा टोमलाल पन्थी,इस्मा गाउँपालिकामा बिष्णु प्रसाद आचार्य,रुरु गाउँपालिका ऋषि राना, छत्रकोट गाउँपालिका रामप्रसाद पन्थी, धुर्केाट गाउँपालिकामा कमल पोख्रेल र कालिगण्डकी गाउँपालिकामा सिजन राना, सत्यवती गाउँपालिकामा कमल भुषाललाई प्रतिनिधि खटाएको छ।मदाने गाउँपालिकामा पार्वती केसीलाई प्रतिनिधि खटाएको छ ।

नयाँ कार्य समिति गठन गर्न तत्कालै जिल्लाबाट गाउँ गाउँमा प्रतिनिधि खटाएको कार्यवाहक सभापति पाण्डेयले जानकारी दिए।केन्द्रीय प्रतिनिधि शुवास कठायतले प्रतिनिधि पत्र वाचन गरेर नेपाली कांग्रेस गुल्मीका सभापति भुवनप्रसाद श्रेष्ठलाई हस्तान्तरण गरेका थिए।

भात्रीसंगठनको अधिवेशन सम्पन्न गर्न पार्टीको पूर्ण सहयोग रहने कांग्रेस सभापति भुवनप्रसाद श्रेष्ठले बताए।बैठक नेविसंघ गुल्मीका सभापति झविन्द्र पाण्डेयको सभापतित्व सम्पन्न भएको थियो भने सन्चालन सह सचीव बिष्णु प्रसाद आचार्यले गरेका थिए।