बागलुङमा मोटरसाईकल दुर्घटनामा एक जनाको मृत्यु

शुभेच्छा न्यूज संम्वाददाता
बागलुङ/ बागलुङ नगरपालिका १ रामरेखामा मंगलबार राती मोटर साईकल दुर्घटना हुँदा एक युवाको मृत्यु भएको छ । दुर्घटनामा परि बागलुङ नगरपालिका १२ अमलाचौरका ३३ बर्षिय बिमल हमालको मृत्यु भएको हो ।

बागलुङ बजार देखी रामरेखा गैरहेको ध १ प ७३१० नम्बरको मोटर साईकल मंगलवार राती १०ः३० बजे दुर्घटनामा परेको हो । दुर्घटनाको कारण भने नखुलेको जिल्ला प्रहरी कार्यालय बागलुङले जनाएको छ । मोटर साईकल सडक छेउको नालिमा खसेको अवस्थामा रहेको थियो ।

दुर्घटना पछि स्थानियले खवर गरे लगत्तै घटना स्थलम पुगेको प्रहरीले मृतक हमलालाई सडक छेउको नालिबाट उद्दार गरी धौलागिरी अञ्चल अस्पताल बागलुङमा पु¥याएको थियो । अस्पतालले हमाललाई मृतक घोषणा गरेको प्रहरीले जनाएको छ ।