पोखरा महानगरले फोहोर उठाउने गाडीमा नवजात शिशुको शव भेटियो

शुभेच्छा न्यूज संम्वाददाता
पोखरा । पोखरा महानगरपालिकाको फोहोर उठाउने गाडीमा नवजात शिशुको शव फेला परेको छ । आईतवार पोखरा महानगरपालिका १७ विरौटा स्थित अन्नपुर्ण मार्ग र यज्ञशालामार्गबाट ग १ ख ८४७८ नं.को फोहोर उठाउने महानगरपालिकाको गाडीबाट ल्याएको फोहोरमा शिशुको शव भने सोमवार भेटिएको हो ।

सोमवार विहान पोखरा १४ डम्पिङ साईडमा फोहोरको प्रकार छुट्टाउने कर्मचारीहरुले फोहोर छुट्टाउने क्रममा तन्नाले बेरिएको अवस्थामा छोरा जातको नवजात शिशु फेला परेको हो । बच्चा कसको हो र किन फालेको भन्ने पत्ता लागेको छैन् ।

घट्नाका विषयमा थप अनुसन्धान भईरहेको प्रहरीले जनाएको छ।
pic citypokhara.com