भारतीय नंम्वर प्लेटको गाडिमा प्रदेश सभा पुगे साँसद मनाङे

शुभेच्छा न्यूज संम्वाददाता
पोखरा । गण्डकी प्रदेशको मनाङ ‘ख’ बाट स्वतन्त्र निर्वाचित प्रदेशसभा सदस्य राजीव गुरुङ उर्फ दीपक मनाङे सपथग्रहण गरेको भोलिपल्टै भारतीय नम्वर प्लेटको गाडी चढेर प्रदेशसभा पुगेका छन्।

सोमवार सभामुख नेत्रनाथ अधिकारीबाट सपथ खाएका मनाङेले गाडी लिएर प्रदेशसभा भएको स्थानमा पुगेका हुन्।मनाङेले गाडी लिएर प्रदेशसभा परिसरमा पुगेपछि त्यहाँ उपस्थित सञ्चारकर्मीहरुले भारतीय नम्वर प्लेटको सवारीका वारेमा जिज्ञासा राख्दा यो गाडि आफ्नो नभएको तर, आफ्नो भाइले प्रयोग गरेको बताएका थिए।

गाडि भित्र ल्याउन पाउने, नपाउने प्रहरीले हेर्नुपर्ने उनले बताए। भारतीय नम्बरको गाडी प्रदेशसभामा ल्याउन पाउने नपाउने भन्दा पनि दिनको ४ सय ५० रुपैयाँ तिरेको छ, की त्यो प्रहरीले हेर्नुपर्ने उनको तर्क थियो।

प्रदेश नम्वर २ का मुख्यमन्त्री देखि मन्त्रीहरु सम्म भारतिय नम्वर प्लेटको गाडी चढेर निर्वाद हिड्ने गरेको भन्दै उनले यो ठुलो कुरा नभएको बताए ।गण्डकी प्रदेशका आन्तरिक मामिला तथा कानुन मन्त्री हरिबहादुर चुमानले यसबारे कानुनी कार्यविधी हेर्नुपर्ने बताए ।

प्रदेशसभा सुरक्षार्थ खटिएका सई चन्द्रबहादुर खत्रीले गाडी भित्रिएपछि मात्र थाहा पाएको बताए । ‘माननीयको गाडी रोक्ने कुरा भएन, गेटमा खटिएका सुरक्षाकर्मीले भनेनन्, तर मैले जिल्लालाई रिपोर्टिङ गरिसकेको छु ।’ उनले भने, ‘आज भयो, भोलिदेखि नल्याउने भन्ने कुरा भएको छ ।’