शुक्ला साहित्य प्रतिष्टानले कविता मार्फत सम्झीयो सहिद

कृष्ण अन्जान ज्ञवाली
पोखरा । सहिद दिवसको अवसर पारेर शुक्ला साहित्य प्रतिष्ठान वाटुले चौरले कास्की जिल्ला स्तरिय कविता प्रतियोगिताको आयोजना गरेको छ।प्रतियोगितामा वेद विध्याश्रम चिसाखोलाका नवराज लम्साल प्रथम भएका छन ।

यसैगरि सोहि विध्याश्रामका विशाल ज्ञवाली तृतिय भए भने एल एन्जल विध्यालयका स्मृति पौडेलले तृतिय स्थान हासिल गरिन ।पोखरा १९ लामाचौरको भुनपुरेमा रहेको एल एन्जल स्कुलमा आयोजित कविता प्रतियोगितामा यस क्षेत्रका करिव एक दर्जन विध्यालयका छात्रछात्राको सहभागिता रहेको थियो ।

कार्यक्रममा वोल्दै एल एन्जल शैक्षिक गुठीका अध्यक्ष ऋषिराम सापकोटाले साहित्य समाजको आँखा र मनका भावना भएको वताए ।उनले साहित्यले हिंसा रहित समाजको सिर्जना गर्नु पर्ने विचार राख्दै मुलुकको सवै क्षेत्रमा तुंवालो लागेको वेला सहित्य क्षेत्र पनि केही ओझेल परे जस्तो देखिएको वताए ।

शुक्ला साहित्य प्रतिष्ठानका संरक्षक तथा एल एन्जल विद्यालयका संचालक समितिका अध्यक्ष मदन वहादुर खत्री क्षेत्रीले साहित्यको जगेर्नाको प्रयासमा शुक्ला साहित्य प्रतिष्ठानको प्रयास सह्रानिय भएको वताए ।

शुक्ला साहित्य प्रतिष्ठानका वरिष्ठ उपाध्यक्ष तथा कविता प्रतियोगिताका संयोजक हरि वहादुर वरुवालले प्रतिष्ठानको वार्षिक क्यालेण्डर अनुसार सहिद दिवसलाइ कविता प्रतियोगिताको आयोजना गरेर मनाउने कार्यक्रममा अनुसार प्रतियोगिताको आयोजना भएको वताए ।

कार्यक्रममा वोल्दै एल एन्जल विध्यालयका प्राचार्य वलराम भुजेलले शुक्ला सहित्य समितिले आफ्नो विध्यालयलाइ कार्यक्रमको व्यवस्थापनको जिम्मा दिएकोमा खुसि व्यक्त गरे ।प्रतिष्ठानका अध्यक्ष सुमन राज पौडेलले संस्था जहिले पनि साहित्य उन्नयनमा लागेको र यो संस्थाले आफ्नो विरासत साहित्य कला संगित मार्फत स्थापना गर्न दृढ रहेको वताए ।

सचिव कृष्ण अन्जान ज्ञवालीले सञ्चालन गरेको कार्यक्रममा प्रतिष्ठानका अध्यक्ष सुमन राज पौडेल, वरिष्ठ उपाध्यक्ष तथा प्रतियोगिताका संयोजक हरि वहादुर वरुवाल,इन्दु भट्टराई ,निकेश,रिसाल ,निशान्त तिमील्सीना ,दुर्गा वस्नेत ,शिवहरी आचार्य ,जमुना रेग्मी ,कृष्ण अन्जान,विशाल पौडेल,नेत्र वहादुर वानियां,लगाएत कवि कवियत्रीहरुले अप्रतियोगि कविता वाचन गरेका थिए ।