आफ्नै कलेजो दान गरेर वालीकाको जीवन बचाए लायन्सका एडभाइजर केसीले

शुभेच्छा न्यूज संम्वाददाता
पोखरा। सामाजिक अभियान्ता एवं लायन्स क्लल अन्तर्राष्टिय ३२५ बी १ नेपालाका एडभाइजर चन्द्र कुमार केसीले नौ महिनाकी वालीकाको जीवन बचाउनको लागि आप्mनो कलेजो दान गरेका छन्।

डेड दशक देखि समाज सेवाका क्षेत्रमा अतुलनिय योगदान गर्दै आएको केसीले कलेजोको संक्रमणबाट मृत्यु र जीवनको दोसाँधमा पुगेकी म्याग्दीकी नौ महिनाकी वालीकाको लागि कलेजो दान गरेका हुन्।

अन्नपूर्ण गाउँपालिका ७ हिस्तानकी ९ महिने बालिका सियाना रन्तीजाको जीवन बचाउन समाजसेवी केसीले आफ्नो कलेजोको ३० प्रतिशत भाग बालिकालाई बचाउनकै लागि दान गरेका हुन् ।

शुक्रबार भारतको सर गंगालाल अस्पतालमा रन्तिजालाई केसीले दान गरेका हुन् । आफ्नै आमा रेश्मा र बुबा प्रदीपको कलेजो मेल नखाएका र आर्थिक अभाबको कारण उनको उपचार अनिश्चित बनिरहेको बेलामा केसीले कानुनी पक्रिया पूरा गरेर कलेजो दान गरेका हुन् । अहिले दुबै जनाको आई.सि.युमा उपचार भैरहेको छ। कलेजो दानसंगै केसीको चौतर्फी प्रशंसा भैरहेको छ ।

सियानाको जीवन रक्षाको लागि प्रवासमा रहेका म्याग्देलीहको पहलमा ३० लाख आर्थिक संकलन भएको थियो । कलेजो प्रत्योरोपण अघि उपचारमा १२ लाख खर्च भैसकेको थियो भने अहिले प्रत्यारोपणको लागि मात्रै १७ लाख भन्दा बढी भारतीय रुपैयाँ खर्च भएको छ ।

जन्म भएको ४ महिनामै जटिल खालको स्वास्थ्य समस्या देखिएपछि सियानालाई पोखराको मणिपाल शिक्षण अस्पताल, काठमाण्डौको त्रिवि शिक्षण अस्पताल हुँदै दिल्ली लगेपछि रोगको पहिचान गरिएको थियो ।