ललितपुरको नक्खुस्थित एनसेलको कार्यालयमा बम बिस्फोट

शुभेच्छा न्यूव संवाददाता
ललितपुर- ललितपुरको नक्खुमा रहेको एनसेलको कार्यालयमा बम बिस्फोट भएको छ ।विस्फोटमा परी २ जना बटुवा घाइते भएका छन् । उनीहरुको अल्का अस्पतालमा उपचार भइरहेको जनाइएको छ।

ललितपुर प्रहरीका डीएसपी अपिलाल बोहराले बम विस्फोट भएको स्थानमा प्रहरी पुगेर अनुसन्धान सुरु गरिएको जानकारी दिए । महानगरीय अपराध महाशाखा, ललितपुर प्रहरी र प्रहरी प्रधान कार्यालयको विशेष ब्युरोको टोलीसमेत घटनास्थल पुगेर अनुसन्धान थालेको हो ।

बिस्फोटबाट वरिपरीका घरहरूमा समेत क्षति पुगेको छ ।