अज्ञात समुहद्वारा लेखनाथको बडहरे डाँडामा रहेको एनसेलको टावरमा आगजनी

शुभेच्छा न्यूव संवाददाता
पोखरा । पोखरा महानगरपालिका २७ लेखनाथ स्थित बडहरेको डाँडामा रहेको एनसेल टावरमा अज्ञात समुहले शुक्रबार राती आगलागी गरेका छन् । पोखरा २७ डाँडाको नाकस्थित बडहरेमा रहेको एनसेलको टावरमा आगजनी हुँदा टावरमा पूर्ण क्षति पूगेको जिल्ला प्रहरी कार्यलय कास्कीका प्रवक्ता डिएसपी रविन्द्र गुरुङले जानकारी दिए।

शुक्रबार राति करीब १० बजेको समयमा एनसेल र नेपाल टेलिकमको टावर मध्ये एनसेलको टावरमा अज्ञात समुहले आगाजनी गरेका हुन्। टावरमा आगजनी भएपछि दमकल बोलाइएको थियो। तर, टावर माथि डाँडामा भएका कारण दमकलले आगो निभाउन नसक्दा टावर कामै नलाग्ने गरी ध्वस्त भएकोछ।

राती १० बजे आगजनि गरिएपछि स्थानीय र डाँडाकोनाक प्रहरी चौकीको सक्रियतामा ११ बजे तिर मात्र आगो नियन्त्रणमा आएको थियो।आगजनिको सूचना पाएलगत्तै घट्नास्थल पुगेको प्रहरी टोली र स्थानीयको सहयोगमा छोटोसमयमै आगलागि नियन्त्रमा लिन सकिएको डिएसपी रविन्द्र गुरुङले बताए। ‘क्षतिको विवतरण आएको छैन ’उनले भने। ‘क्षतिको वारेमा विवरण तयार हुदै छ।’

घटनालगत्तै जिल्ला प्रहरी कार्यलयका प्रहरी प्रमुख एसपी ओम राना सहितको टोली घट्नास्थनल पुगेको थियो। घट्नाका वारेमा आवस्यक अनुसन्धान भइरहेको डिएसपी गुरुङले बताए।