स्याङजाको फेदिखोलामाक्षमता अभिवृद्धि तालिम

शुभेच्छा न्यूज संवाददाता
स्याङ्जा । अनौपचारिक क्षेत्र सेवा केन्द्र (इन्सेक) गण्डकीले स्याङजाको फेदिखोला गाउँपालिकामा क्षमता अभिवृद्धि गर्ने उद्धेश्यले दुइ दिने तालिमको आयोजना गरेकोछ।

मानवअधिकार निगरानी समुहका सदस्य तथा सरोकारवालाका लागि आर्थिक, सामाजिक तथा साँस्कृतिक अधिकार सम्बन्धी क्षमता अभिवृद्धि गर्न तालिमको आयोजना गरिएको हो।

तालिमको समापनमा बोल्दै फेदिखोला गाउँपालिकाका उपाध्यक्ष देवी थापाले शिक्षा स्वास्थ्य र खाद्य लगायतका अधिकार प्रत्याभूतका लागि गाउँपालिका प्रतिबद्ध रहेको बताइन् ।

उनले आफुहरु मानवअधिकारको सवालमा इन्सेकसंग सदैव साझेदारी र सहकार्य गरेर अगाडी बढ्ने बताइन् ।कार्यक्रममा राष्ट्रिय मानवअधिकार आयोग गण्डकी प्रदेश कार्यलयका निर्देशक दिपकजंगध्वज कार्कीले मानवअधिकार मैत्री समाज निर्माणमा तालिमले महत्वपूर्ण भुमिका खेल्ने विश्वास व्यक्त गरे ।

फेदिखोला गाउँपालिकाका प्रमुख प्रशासकिय अधिकृत छत्रवहादुर अधिकारीले देशले राजनीतिक अधिकार प्राप्त गरेसंगै अव सुशासन र मानवअधिकार मैत्री वातावरणको आवश्यक रहेको बताए।

इन्सेक गण्डकी प्रदेश संयोजक शिव खकुरेलले मानवअधिकार निगरानी समुहले सबै क्षेत्रसंग सहकार्य गर्दै गाउंपालिकालाई मानवअधिकार मैत्री बनाउन लाग्नूपर्ने कुरामा जोड दिए ।

समापन कार्यक्रममा बोल्दै सहभागी भिम बिक र गंगा खत्रीले तालिम अत्यन्तै महत्वपूर्ण रहेको बताउँदै सिकेका कुराहरुलाई व्यबहारमा लागू गर्ने प्रतिबद्धता व्यक्त गरे ।