सोमबार मौसम आंशिक बदली,पहाडी क्षेत्रमा वर्षा हुने

शुभेच्छा न्यूज संवाददाता
काठमाडौँ– आज रातिदेखि देशभरको मौसममा सामान्यतया बदली भई पहाडी क्षेत्रका केही स्थानमा हल्का वर्षा र हिमाली क्षेत्रका केही स्थानमा हिमपातको सम्भावना छ ।

मौसमी बदलीसँगै सोमबार पहाडी क्षेत्रमा मेघगर्जनसहित हल्का वर्षा हुने र उच्च पहाडी तथा हिमाली क्षेत्रका केही स्थानमा हल्का हिमपातको सम्भावना रहेको मौसम पूर्वानुमान महाशाखाले जनाएको छ ।

मङ्गलबार पश्चिमी क्षेत्रमा मौसममा सामान्यतया बदली रही उच्च पहाडी क्षेत्रमा मेघगर्जनसहित हल्कादेखि मध्यम वर्षा र हिमाली क्षेत्रमा हल्कादेखि मध्यम हिमपातको सम्भावना रहेको महाशाखाले जनाएको छ ।