पर्वत काँग्रसबाट आजित भएको भन्दै जोशी नेपपा प्रबेश गरे

पर्वत /नेपाली कांग्रेस कुस्माका सक्रिय कार्यकर्ता ज्ञानेन्द्रकुमार जोशी सोमबार नेपाल कम्युनिष्ट पार्टी(नेकपा)मा प्रबेश गरेका छन ।नेकपा पर्वत जिल्ला संयन्त्रले आयोजना गरेको एक समारोहका बिच जोशी नेकपामा प्रबेश गरेका हुन ।

जोशीलाई नेकपाका गण्डकी प्रदेश कमिटि अध्यक्ष हितराज पाण्डेले टिका र खादा लगाएर पार्टी प्रबेश गराएका छन । २०४६ साल मा नेपाल बिद्यार्थी संघ नारायण माबि इकाईका अध्यक्ष रहेका जोशी कांग्रेस कुस्मा र जिल्लाकै सक्रिय र जुझारु कार्यकर्ता मानिन्छन ।

उनले नेपालको बिकास बिकास र सम्बृद्धिको सपना नेकपाले मात्रै पुरा गर्न सक्ने अठोटका साथ नेकपामा प्रबेश गरेको बताए । पुस्तौ देखि कांग्रेस परिवारमा रहेको मान्छे त्यहाँबाट बाहिर निस्कन चाहेर पनि जो कोहीलाई संभब छैन, उनले भावुक हुँदै भने म आजाद भएर उड्न भ्याए । उनले नेकपाले दिने सबै जिम्बेवारीलार्ई कुशलतापुर्वक निर्वाह गर्ने प्रतिबद्धता जनाउँदै पार्टीले निशंकोच जिम्वेवारी दिन आग्रह पनि गरे ।

जोशीलाई पार्टी प्रबेश गराउँदै नेकपाका गण्डकी प्रदेश कमिटीका अध्यक्ष हितराज पाण्डेले नेकपा नै नेपाली जनताले आशा र भरोशा गरेको पार्टी भएकाले अन्य पार्टीमा भएका नेता कार्यकर्ता पनि क्रमशः गोलबन्द हुँदै आउने बिश्वास ब्यक्त गरे ।