महिलालाई आर्थिक रुपमा शसक्त बनाउन उपमेयरसंग महिला ऋण कार्यक्रम कार्यक्रमम ; उपमेयर गुरुङ

पोखरा । महिलाहरुलाई आर्थिक रुपमा शसक्त र आत्मनिर्भर बनाउने उद्देश्यले पोखरा महानगरले ल्याएको उपमेयरसंग महिला कार्यक्रमको ऋण लगानीका लागि रकम हस्तान्तरण गरिएको छ ।

विहिबार पोखरा महानगरपालिका वडा नम्वर २३ घाटिछिनाको प्रभाकारी महिला विकास वचत तथा ऋण सहकारी संस्था मार्फत उपलब्ध गराइएको रकम वितरण गरिएको हो । सहकारीको सहकार्य अन्र्तगत ऋण लगानी गरिएको उक्त रकम पोखरा महानगरपालिका उपमेयर एवं उपमेयसंग महिला कार्यक्रमका संयोजक मञ्जुदेवी गुरुङले ११ जनालाई पैशा वितरण गरेकी हुन् ।

उपमेयरसंग महिला कार्यक्रमको सहकारीसंग सहकार्य गरेर ऋण लगानी गर्नसक्ने व्यवस्था अनुसार घाँटिछिनाको प्रभावकारी महिला सहकारी संस्थाले ९ लाख रुपैयाँ प्राप्त गरेको थियो । उपमेयरसंग महिला कार्यविधिले विपन्न, एक र अपाङग महिलालाई ऋण लगानी गर्नुपर्ने कार्यविधिमा उल्लेख रहेको छ ।

सोही कार्यविधिमा रहेर सहकारीले आह्वान गरेको प्रस्तावमा ११ जनाले ऋणका लागि निवेदन दिएको र उनीहरुलाई रकम वितरण गरिएको प्रभावकारी महिला सहकारीका संस्थाका अध्यक्ष लोककुमारी क्षेत्रीले जानकारी दिइन् ।

सहकारीले तीन प्रतिशत व्याजमा ऋण महानगरबाट प्राप्त गर्ने र ६ प्रतिशत व्याजमा लक्षित समुदायका व्यक्तिलाई लगानी गर्नुपर्ने व्यवस्था कार्यविधिले गरेको उपप्रमुख मञ्जुदेवी गुरुङले बताइन् । गुरुङले रकम वितरण गदै उपमेयरसंग महिला कार्यक्रमले महिलालाई आत्मनिर्भर र आर्थिक रुपमा सवल, सक्षम बनाउने विश्वास ब्यक्त गरिन् ।

उनले थोरै पैशाले लगानी गरेर केही गर्छु भन्ने महिलाका लागि उपमेयरसंग महिला कार्यक्रमले सहयोग पुग्ने बताइन् । उनले विगतमा महानगरले महिलाका लागि धेरै कार्यक्रम संचालन गरेपनि उपलब्धिमुलक नभएको बताउदै सिप सिकेर बसेका महिलालाई उद्यमी बनाउदै आत्मनिर्भर गराउने योजना सहित कार्यक्रम ल्याएको बताइन् ।

समाजमा महिलाहरु आर्थिक रुपमा सक्षम नहुदाँ पछाडी परेको समेत बताइन् । प्रभावकारी महिला वचत तथा ऋण सहकारी संस्थाका संस्थापक अध्यक्ष टोपलीदेवी पराजुलीले पैशा प्राप्त गर्नेहरुले सहि सदुपयोग गर्न आग्रह गदै समयमै ऋण चुक्ता गर्न आग्रह गरिन् । नारायणी कुवँरले जागीर भन्दा व्यवसाय गरेर अगाडी बढदा राम्रो हुने बताउदै पैशाको सहि सदुपयोग गरेर प्रतिफल प्राप्त गर्न सुझाव दिइन् ।

प्रभावकारी सहकारीका कोषाध्यष राधादेवी गुरुङले वडा नम्वर २३ नमुना बन्नुपर्ने बताउदै उपमेयरसंग महिला कार्यक्रमबाट आर्यआर्जनमा बृद्धि गदै सक्षमा हुनुपर्नेमा जोड दिइन् । सन्तबहादुर भुजेलले महिलालाई अगाडी बढाउने काम उपमेयरसंग महिला कार्यक्रमले गरेको बताउदै नमुना बनाउनुपर्नेमा जोड दिए ।