“चामल चौलानी” गित सार्वजनिक

पोखरा। पोखरालाई साङ्गीतिक कर्म थलो बनाएकी लोकदोहोरी गायिका तुलसा क्षत्रीको नयाँ गीत “चामल चौलानी” सार्वजनिक भएको छ । ओम फाउण्डेशन नेपाल कास्कीद्वारा सोमबार यहाँ अयोजित एक कार्यक्रममा उक्त गीतको म्युजिक भिडियोलाई लोकार्पण गरिएको हो ।

गण्डकी प्रदेशका सांसद राजिव पहारीले म्युजिक भिडियो लोकार्पण गर्दै गण्डकी प्रदेश संस्कृति,कला र संगीतको राजधानी भएको बताए। उनले गण्डकी क्षेत्र लोककवि अलिमिया, धर्मराज थापा, बुद्धि परियार, हरिदेवि कोइराला, प्रजापति पराजुली, पुरुषोक्तम न्यौपाने, बिबि अनुरागी लगायतका श्रष्टाहरुको जन्मथलो भएको बताउदै गित कला र संगितको लागि प्रदेश सरकार लागि पर्ने बताए ।

गीतकार एवम प्रसिद्ध सँगीतकार बिबि अनुरागीले आफु अनवरत रुपमा गीतसँगीतको क्षेत्रमा रहेर नेपाली कला र संकृतिको जर्गेना गर्नमै केन्द्रीत रहेको बताए। उनले गीतसँगीतलाई नेपाल सरकारले पनि नजिकबाट केलाउने बेला आएको बताए । ‘कतिपय आशा लाग्दा कलाकारहरु रोजगारीको नाउँमा विदेशीनु परेको छ’, उनले भने, ‘राम्रो प्रतिभावान कालाकार रोजगारीको खोजीमा बाहिरिदा कलाकारिता क्षेत्रनै धरापमा पर्ने होकि भन्ने चिन्ता जागेको छ ।’

कार्यक्रममा लोकदोहोरी गायक प्रजापति पराजुलीले लोकार्पण गीत चामल चौलानी एक सामाजिक चेतनामुलक गीत रहेको बताए । उनले गीतमै कथा भेटिएको उल्लेख गरे ।
फाउण्डेशनका महासचिव सुरेन्द्र गुरुङले स्वागत गरेको कार्यक्रममा श्रष्टाद्वय बिबि अनुरागी र तुलसी क्षेत्रीलाई सम्मान पत्र सहित सम्मान पनि गरिएको थियो ।कार्यक्रम फाउण्डेशनकी कार्यवाहक अध्यक्ष उर्मिला खडकाको अध्यक्षतामा सम्पन्न भएको हो ।