पोखराको शिशुवामा बाघको आक्रामणबाट २ घाइते

पोखरा/ पोखराको शिशुवामा बाघको आक्रमणबाट २ जना घाइते भएका छन् ।पोखरा महानगरपालिका वडा नं -३० शिशुवा चोक र त्रित्याङ चोकमा बाटोमा हिंडिरहेका बेला अचानक बाघसंग जम्काभेट हुँदा बाघको आक्रमणबाट दुई जना घाइते भएको प्रदेश प्रहरीले जनाएको छ ।

घाइते हुनेमा सुनसरी जिल्ला धरान घर भइ हाल पोखरा महानगर – ३० बस्ने बर्ष ४५ का टिका बहादुर लिम्बु र पोखरा -३० बस्ने बर्ष ५७ कि राधिका आचार्य छन् ।

उनीहरुलाई उपचारका लागि लेखनाथ सिटी अस्पताल पठाइएको छ । घटनाका बिषयमा बन कार्यालयलाई जानकारी दिएको प्रहरीले जनाएको छ ।