स्याङ्जाका कोईरालाको स्पेनमा सडक दुर्घटनामा परी मृत्यु

पोखरा । स्याङ्जा विरूवा गाउँपालिका चिन्नेबास स्थायी घर भएका स्पेनको बार्सिलोना बस्दै आएका पुजन कोईरालाको सडक दुर्घटनामा परी शनिबार राति मृत्युु भएको हो।

साईकलमा सवार २२ वर्षीय कोईरालालाई नगरपालिकाको फोहोर बोक्ने सवारीले ठक्कर दिँदा घटनास्थलमै मृत्यु भएको गुआर्डिया उर्बाना प्रहरीलाई उदृत गर्दै स्थानीय संचारमाध्यमहरुले जनाएका छन्।

होम डिलीवरीको सेवा दिने एक कम्पनी ग्लोबोमार्फत खाना पुर्याउन हिडेका उनि बार्सिलोना स्थित ग्रानभिया र बाल्मेस जक्सनमा दुर्घटनामा परेका थिए।

कोईरालाको परिबारमा आमा र दुई दिदिबहिनीहरु मात्र रहेका छन्। यसअघि पितालाई गुमाईसकेका उनी परिबारका एक्ला छोरा थिए। दुई बर्षअघि अध्ययनका लागि जर्मनी आएका भएपनि, स्थायी बसोबासका लागि कागजी प्रक्रिया सहज हुने देखेर ७ महिना यता उनी स्पेनमै थिए।

एनआरएनए स्पेनले विज्ञप्ति जारी गर्दै कोईरालाको निधनप्रति दुःख व्यक्त गरेका छ। संघका अध्यक्ष चिन्तामणि सापकोटाले घटनाबारे परिबारलाई जानकारी दिईसकेको बताए । उनले भने,” शव ब्यबस्थापन र कानुनि प्रक्रियाका लागि दूताबास र कन्सुलरमार्फत प्रक्रिया अघि बढिसकेको छ, अर्कोतर्फ परिबारका लागि आर्थिक सहयोग संकलन गर्ने निर्णय गरेका छौ।”