हावाहुरीसंगै फेवातालमा डुंगा डुब्यो, सातको उद्दार

पोखरा । पोखरामा अपरान्ह हावाहुरी र बर्षाका कारण डुंगा डुबेका छ। अकस्मात आएको हाबाहुरी र बर्षासंगै डुंगा डुवेर फेवातालमा फसेका सात जनाको सशस्त्र प्रहरी बलको रेस्क्यु टोलिले सकुशल उद्दार गरेको छ ।

पोखरामा दिउसो करिब ४ बजे तिर आएको भारी वर्षा र हावाहुरीको कारण एक डुंगा र दुई कायक डुबेका थिए। हावाहुरी र बर्षासंगै डुंगा डुबेपछि सशस्त्र प्रहरी बलका असइ दिपेन्द्र विष्टको कमाण्डमा खटिएको टोलिले सात जनाको सकुशल उद्धार गरेको हो ।

डुगांमा सवार काठमाडौका २७ बर्षिय विनोद अर्याल, २१ बर्षिय सविना मर्हजन, जेनी महर्जन, अजित मर्हजन र जरिना मर्हजन कायाकमा सवार पोखराका २२ बर्षिय साईरस गुरुङ र २५ बर्षिय रोनाले मगरको सकुशल उद्दार गरेको सशस्त्र प्रहरी बलले जनाएको छ।