पोखरामा लागुऔषध कारोबारीलाई नियन्त्रणमा लिन प्रहरीले गोली चलायोे

पोखरा । पोखराको उत्तमचोकमा गोली चलेको छ । लागु औषध कारोबारीलाई पक्राउ गर्न प्रहरीले गोली चलाएको छ । प्रहरीले चलाएको गोली लागेर गोविन्द थापा घाइते भएका छन्। गोली लागेका थापालाई उपचारका लागि अस्पताल पठाएको जिल्ला प्रहरी कार्यलय कास्कीले जनाएको छ।

उनको खुट्टामा गोली लागेको छ । प्रहरीले पक्राउ गर्न खोज्दा प्रहरीमाथि आक्रमण गर्न खोजेपछि बल प्रयोग गर्नुपरेको कास्कीका प्रहरी उपरीक्षक ज्ञानबहादुर कार्कीले बताए।

थापालाई पक्राउ गर्ने क्रममा एक जना प्रहरी पनि सामान्य घाइते भएका छन्। प्रहरीले पक्राउ गरेका थापा यसअघि लागु औषध ओसार पसार गरेको आरोपमा दुबईमा पनि समेत पक्राउ परेको प्रहरीले जनाएको छ।

प्रहरीले उनको साथबाट ठूलो परिणमामा लागु औषध बरामद भएको छ ।