बनाउदै गरेको घरको पानी ट्याङकीमा खसेर पोखरामा एक बालकको मृत्यु

पोखरा । पोखरामा पानी ट्याङकीमा खसेर एक बालकको मृत्यु भएको छ । पाखरा महानगरपालिका ७ मासबारमा बनाउदै गरिएको घरको पानी ट्याङकीमा खसेर स्याङजा घर भई हाल सोही स्थानमा बस्ने निर्मला पौडेलको साढे तीन बर्षिय छोराको मृत्यु भएको हो।

मासपार्कमै छिमेकीको दिपक रेग्मीले बनाउदै गरेको घरको पानी ट्याङकीमा खसेर बच्चाको मृत्यु भएको प्रहरीले जानकारी दिएको छ । दुई जना बच्चा खेल्दै त्यस घरमा पुगेको र भ¥याङ मुनी बनाएको पानी ट्याङकी खुल्ला भएका कारण बच्चा ट्याङकी खस्न पुगेको स्थानीयले बताएका छन् ।

लामो समयदेखि निर्माणाधिन अवस्थामा रहेको उक्त घरको ट्याङकी खुल्ला रहदै आएको उनीहरुको आरोप छ। बच्चा पानी ट्याङकी खसेलगत्तै निकालेर पोखराको मेट्रो सिटि अस्पताल लैजादै गर्दा बाटोमानै निधन भएको प्रहरीले जनाएको छ।