गण्डकी प्रदेशका सांसदलाई क्षेत्र विकाषका लागि ७२ करोड विनियोजन

पोखरा। गण्डकी प्रदेशले आगामी आर्थिक वर्ष २०७६। ०७७ का लागि बिनियोजित बजेटमा निर्वाचन क्षेत्र विकास कोषमा बजेटछुट्टाएकोछ। गण्डकी प्रदेशका आर्थिक मामिला तथा योजना मन्त्री किरण गुरुङले आगामी बर्ष देखि निर्वाचन क्षेत्र विकास कोषमा ७२ करोड बजेट विनियोजन गरेको बताए ।

गण्डकी प्रदेशले निर्वाचन क्षेत्र विकाषका लागि प्रत्यक्ष निर्वाचित सांसदलाई २ करोड रुपैयाँ उपलब्ध गराउने भएको छ। सरकारले आगामी आर्थिक बर्षको बजेटमा प्रदेशका ३६ निर्वाचन क्षेत्रका सांसदलाई २ करोडका दरले निर्वाचन क्षेत्र पूर्वाधार विकास कार्यक्रमका लागि ७२ करोड विनियोजन गरेको हो। बजेट वक्तव्यमा समानुपातिक सांसदका लागि उल्लेख गरिएको छैन।