संखुवासभामा विप्लव समूह र प्रहरीबीच भिडन्त

संखुवासभामा प्रहरी र नेपाल कम्युनिस्ट पार्टी विप्लव समूहबिच भिडन्त भएको छ। सोमबार बिहान १० बजेतिर भिडन्त भएको तर कुनै मानविय क्षति भने नभएको प्रहरी प्रधान कार्यालयका एसपी रमेश थापाले जानकारी दिए।

उनका अनुसार नियमित गस्तीमा रहेको प्रहरी सिलिचुङ गाउँपालिका-१ मा पुगेपछि विप्लवसमूहले गोली चलाएको थियो। त्यसपछि प्रहरीले जवाफी फायर गरेको र विप्लवसमूह तितरवितर भएको एसपी थापाले बताए।

घटनास्थलमा थप सुरक्षाकर्मी परिचालन गरिएको प्रहरीले जनाएको छ।