यति एयरको विमान चिप्लियो, ३ जना घाइते

त्रिभूवन अन्तर्राष्ट्रिय विमानस्थलमा यति एयरलाइन्सको विमान चिप्लिएको छ । विमान चिप्लिदा ३ जना घाइते भएका छन् । उनीहरुलाई उपचारका लागि अस्पताल पठाइएको छ ।

६६ जना यात्रु बोकेर नेपालगञ्जबाट काठमाडौं आएको यति एयरको ७२ एटीआर जहाज अवतरणका क्रममा धावनमार्गमा चिप्लिएको त्रिभूवन अन्तर्राष्ट्रिय विमानस्थल सुरक्षा गार्ड प्रमुख एसएसपी सन्दिप भण्डारीले जानकारी दिए ।

‘विमान चिप्लिदा ३ जना घाइते भएका छन्, उनीहरुलाई उपचारका लागि अस्पताल पठाइएको छ । घाइतेको अवस्था सामान्य छ,’ एसएसपी भण्डारीले भने ।

विमान चिप्लिएपछि अहिले उडान र अवतरण अवरुद्ध भएको छ ।