पोखरामा धारिलो हतियार प्रहारबाट श्रीमतीद्धारा श्रीमानको हत्या

पोखरामा श्रीमतीको दाउ प्रहारबाट श्रीमान्को मृत्यु भएको छ ।मृत्यु हुनेमा पोखरा महानगरपालिका वडा नं -१६ गोष्टे स्थित शिवालय ठाँटि समाज घर बस्ने बर्ष ५० का सुक राम परियार रहेका छन् ।

प्रहरीका अनुसार उक्त समाज घरमा बस्दै आएका सुकराम र उनकी श्रीमती सिता परियार बीच झगडा हुँदा श्रीमती सिताले धारिलो दाउले श्रीमान सुक परियारमाथी प्रहार गरेको थिइन् ।

श्रीमतीको दाउ प्रहारबाट गम्भीर घाइते सुकरामलाई उपचारका लागि नजिकैको मातृशिशु अस्पताल लगिएकोमा उनको उपचारका क्रममा मृत्यु भएको प्रदेश प्रहरी कार्यालय पोखराले जनाएको छ ।

घटना लगत्तै खटिएको प्रहरीको टोलीले श्रीमती सितालाई नियन्त्रणमा लिएको छ भने, घटनाबारे थप अनुसन्धान भइरहेको प्रहरीले जनाएको छ