फेवातालमा शव भेटियो, पहिचान हुन सकेन

पोखरा । फेवाताल किनारमा शव फेला परेको छ। आज विहान साढे ८ बजे पोखरा ६ खहरे स्थित एक पुरुष मृत भेटिएका हुन् ।

नाम नखुलेका अन्दाजी ३५ वर्षिय पुरुषको शव ताल किनारमा तैरिरहेको अवस्थामा थियो । शव पोखरा स्वास्थ्य विज्ञान प्रतिष्ठानमा राखिएको वडा प्रहरी कार्यालय बैदामका प्रमुख डिएसपी कोमल शाहले जानकारी दिए ।

अण्डरवेयर मात्र लगाएको अवस्थामा भेटिएकाले पौडी खेल्न जाँदा डुबेको अनुमान प्रहरीको छ ।‘शव दुई दिन जत्तिको हुनसक्छ । अण्डरवेयर मात्र लगाएको अवस्थामा भेटिएकाले पौडी खेल्न जाँदा डुबेको अनुमान गरेका छौं’उनले भने। ‘शरीरमा चोटपटक नभएको हुनाले पौडी खेल्न जाँदा नै डुबेको जस्तो देखिन्छ । पोष्टमार्टम गरेपछि नै के भएको हो भन्ने थाहा हुन्छ ।’