भोलि सार्वजनिक बिदा दिने सरकारको घोषणा

प्रदेश नं २ र ५ को सरकारले भोली सार्वजनिक बिदा दिने भएको छ। मुस्लिम समुदायको प्रमुख चाड बकर इदका दिन सार्वजनिक विदा दिने दुबै सरकारले सार्वजनिक सूचना मार्फत घोषणा गरेका छन् । बकर इद भोली सोमबार परेको छ ।

बकर इद विदासम्बन्धी निर्णय प्रदेश राजपत्रमा बैशाख १२ गते नै प्रकाशित छ । संघीय सरकारले तोके बाहेक प्रदेश पाँचमा बकर इदसहित माघी र माघे संक्रान्तिमा (दुई दिन) तथा प्रदेश स्थापना दिवसमा फागुन ३ गते पनि सार्वजनिक विदा दिने निर्णय छ ।

यसबाहेक स्थानीय तहको निर्णयबाट एक दिन र भूमे पूजा, बड्का अटवारी पर्व, रमजान लगायतमा निश्चित समुदायलाई मात्रै विदाको व्यवस्था गरिएको मुख्यमन्त्री तथा मन्त्रिपरिषद कार्यालयले जनाएको छ ।