राष्ट्रियसभा अध्यक्ष गणेश तिमल्सिना चढेको हेलिकाेप्टर आकस्मिक अवतरण

मौसम प्रतिकूलताका कारण राष्ट्रियसभाका अध्यक्ष गणेश तिमल्सिना चढेको हेलिकाेप्टर रुकुमपूर्वमा अवतरण गरिएको छ । बागलुङको ढोरपाटन आएका उनी पोखरा जाने क्रममा मौसममा आएको प्रतिकूलताका कारण हेलिकाेप्टर अवतरण गरिएको जिल्ला प्रहरी कार्यालय रूकुमले जनाएको छ ।

मौसममा आएको प्रतिकूलताका कारण हेलिकाेप्टर भूमे गाउँपालिका–६ महतको आधारभूत विद्यालय रिसालचौरको प्राङ्गणमा अवतरण गरिएको प्रहरी नायब उपरीक्षक योगेन्द्रकुमार खड्काले जानकारी दिए।