सिभिल बैंकद्धारा नेपालमै पहिलो पटक ‘एन्यूटी डिपोजिट निक्षेप’ योजना

पोखरा । सभिल बैंक लिमिटेडले ‘एन्यूटी डिपोजिट’ निक्षेप योजना ल्याएको छ । सेवाग्राहीलाई लक्षित गर्दै बचत र मुद्धती खाताको समायोजन गरी बैकले एन्यूटी डिपोजिट योजना ल्याएको बैकका गण्डकी प्रदेश प्रमुख हरिकृष्ण अधिकारीले आइतबार पोखरामा आयोजित पत्रकार भेटघाट कर्यक्रममा जनाकारी दिए ।

उनले सिभिल बैंकले नेपालमै पहिलो पल्ट यस्तो निक्षेप योजना ल्याएको दावी समेत गरे । एन्यूटी डिपोजिट निक्षेप योजना भनेको समान डिपोजिट निक्षेप योजना हो । बचतकर्ताले भविष्यमा आफूलाई चाहिने रकमको व्यवस्थापन गर्न यो योजना छनौट गर्न सक्ने बैंकको भनाई छ ।

बैंकका अनुसार बचतकर्ताले निश्चित अवधी तोकेर किस्ता भुक्तानी गर्ने र सो अवधी पूरा भएपछि इच्छाइएको रकम एकमुष्ठ प्राप्त गर्ने निक्षेप योजना हो ।बैंकले हाल नेपालमा चलनचल्तीमा रहेका वचत खाता र मुद्दती खाताको सम्मिश्रण गरी नयाँ प्रकारको निक्षेप योजना आफ्ना सेवाग्राहीसामु ल्याएको अधिकारीले बताए ।

‘एन्यूटी डिपोजिट निक्षेप’ योजना अन्तर्गत सेवाग्राहीले आफूलाई भविष्यमा आवश्यक पर्न सक्ने निश्चित रकमको व्यवस्थापन गर्न निश्चित अवधि तोकी समान मासिक किस्ता बैंकलाई भुक्तानी गर्नुपर्ने छ ।

तोकिएको निश्चित अवधि पूरा भएपछि उक्त वचत रकममा ब्याज सहितको लाभ जोडेर इच्छाइएको एकमुष्ट रकम प्राप्त गर्ने बैंकले जनाएको छ । व्यक्ति र संस्था दुबैले सञ्चालन गर्न मिल्ने यो योजनाका लागि एक हजारबाट नै बचत गर्न सकिने निक्षेप योजना भएको बैंकका गण्डकी प्रदेश प्रमुख समीर केसीले बताए ।

यस योजना १ वर्षदेखि ७ वर्षसम्मको अवधीको हुने उनले जानकारी दिए । थोरै थोरै रकम जम्मा गरी सन्ततीको भविष्यको योजना साकार पार्न सहयोगी हुने उनले बताए ।

इच्छाएको खण्डमा ३ महिनापछि यो योजना बन्दसमेत गर्न सकिने बैकका प्रदेश प्रमुख हरिकृष्ण अधिकारीले बताए । बचतकर्ताले चाहेमा बचत रकमको ६० प्रतिशत रकम ऋण निकाल्न पनि पाइने उनले जानकारी दिए ।‘गण्डकी प्रदेशमा कारोबार उत्साहजन छ’ उनले भने । ‘ग्राहकलाई आधुनिक बैंकिङ सेवा प्रदान गर्न हामी सफल छौं।’

सिभिल बैंकले देशभरका ९६ वटा शाखाहरुमार्फत सेवाग्राहीलाई बैंकिङ सेवा प्रदान गर्दै आएको जनाएको छ ।