पोखराको फेवातालमा एक युवकको शव भेटियो

पोखरा । फेवातालमा एक युवकको शव भेटिएको छ ।माछा मार्न गएका युवकको शव बुधवार दिउसो फेवातालमा भेटिएको वडा प्रहरी कार्यालय बैदामले जनाएको छ ।

अन्दाजी ४५ वर्षीय युवाको शव फेवातालमा भेटिएको तर, हालसम्म उनको पहिचान खुल्न नसकेको वडा प्रहरी कार्यालय बैदामका प्रमुख डिएसपी कोमल शाहले जानकारी दिए ।

स्थानियले तालमा शव देखेपछि प्रहरीलाई खबर गरे लगत्तै घटनास्थल पुगेको प्रहरी र गोताखोरको टोलीले उनको शव तालबाट निकालेको थियो । ‘ मृत भेटिएका युवाले बिहानैबाट माछा मारिरहेका रहेछन,’ स्थानीयको भनाई उदृत गर्दै डिएसपी शाहले भने, ‘माछा मार्ने क्रममा एक्कासी हाम फालेको भन्ने कुरा आएको छ ।’

उनको शव अहिले पोष्टमार्टमका लागि पोखरा स्वास्थ्य विज्ञान प्रतिष्ठानमा राखिएको छ । घट्ना बारे थप अनुसन्धान गरिरहेको डिएसपी शाहले बताए ।