लुटपाट गर्न गोली चलाउने एक भारतीय दाङमा समातिए

ईलाका प्रहरी कार्यालय अमिलियाले लुटपाटमा संलग्न रहेको अारोपमा १ जना भारतिय नागरिकलाई पक्राउ गरेको छ ।

अाफुहरु चढेको कारको चालकलाई लुटपाट गरेको अभियोगमा भारत नाकपुर घर बताउने अन्दाजी बर्ष ४६ का महम्मद जावेदलाई लाई ईलाका प्रहरी कार्यालय अमिलियाका प्रहरी प्रमुख खिम बहादुर घर्तीको टोलीले पक्राउ गरेको हो । अन्य ३ जना भने फ्रहार छन् ।

फरारको खोजिकार्य जारी रहेको अमिलियाका प्रहरी प्रमुख घर्तीले बताए ।बिहीबार भारतको रुपैडियाबाट दाङ्गको तुलसीपुर जाँदै गरेको युपी ४० एडि ०९११ नम्बरको सेतो कारमा सवार ४ जना भारतिय नागरिकले सोही कारका चालकलाई लुटपाट गरेका हुन् । सवारीले कारका चालक भारतको रुपैडिया बस्ने बर्ष ३० का मेरज अलि शाहलाई लुटपाट गरेका हुन् । अाफुलाई मार्ने उद्देश्यले गोली समेत प्रहार भएको चालक शाहले बताए ।

रिजर्भमा अाएका ४ जना भारतिय नागरिकले अमिलिया तुलसीपुर सडक खण्डको सानो भञ्ज्याङ्ग स्थित जङ्गलमा गाडी रोक्न लगाई लुटपाट गरेका थिए । चालक शाहको साथमा रहेको नगद १५ हजार ५ सय रुपैया, सुनको अौँठी, एटिएम कार्ड, अाधार कार्ड सबै लुटिएको चालकले जानकारी दिए । चालकसँग रहेका सम्पुर्ण सामान जफत गरेपछि अपराधीले उनलाई कुटपिट समेत गरे ।

अनि उनिमाथी गोली प्रहार भयो । तर, चालकलाई गोली भने लागेन । प्रहरीले घटना स्थलबाट एक राउण्ड चलेको गोलीको खोका र एक राउण्ड नपड्केको गोली नै बरामद गरेको छ । चालकलाई मारेर अपराधीले कार नै बरामद गर्ने उद्देश्यले गोली प्रहार गरिएको हुन सक्ने प्रहरीको अाशँका छ ।