पोखरा महानगरका ६ स्थानमा पक्की पुल निर्माण हुने

पोखरा । पोखरामहानगरपालिकाले महानगर क्षेत्रमा ६ वटा पुल निर्माण गर्ने भएको छ। महानगरले यस आर्थिक बर्षमा विभिन्न ६ स्थानमा पुल निर्माण गर्ने भएको हो ।

महानगरले वडा न ४ र ५ जोड्ने फिर्के खोला ,वडा न १६ को घोरकुना कालिखोला र वडा न १९ को पुरुन्चौरमा यसै आर्थिक बर्षमा पुल निर्माणको कार्य शुरु गर्न लागेको हो । तीन वटै स्थानको पुल निर्माणको लागी ठेक्का सम्झौता समेत भैसकेको महानगरका बरिष्ठ इन्जिनियर शारदामोहन काफ्ले बताए ।

यसका साथै महानगरले वडानं २८ को स्याङ्गखुदी खोलामा मोटरेवल पुल निर्माण गर्ने छ । यस्तै वडानं २० को स्यानीय खोला मोटरेवल पुल र वडानं ३१ को खोलावेसीमा समेत मोटरेवल पुल निर्माणको लागि बोलपत्र आव्हान गरेको छ । यो सङै अन्य तिन स्थानमा पुल निर्माणका लागी महानगरले प्रकृया सुरु गरेको छ ।

महानगरले विभिन्न स्थानहरुमा पुल निर्माणको काम अगाडी बढाएसंगै स्थानीयमा खुसी छाएको छ। महानगरमा जनप्रतिनिधि निर्वाचित भएर आएको दुई बर्षको अवधिमा बषौैंदेखि निर्माण हुन नसकेका पुलहरुको काम धमाधम हुन थालेपछि स्थानीयमा खुसी छाएको हो ।