अपाङ्ग युवतीलाई बलात्कार गरेको आरेपमा गोरखाबाट एक पक्राउ

अपाङ्गता भएकी २१ बर्षिया युवती बलात्कारको आरोपमा धन बहादुर पुन मगर पक्राउ परेका छन् । रोल्पा नगरपालिका–९ घर भइ हाल गोरखा रहेका ४० बर्षीय मगरलाइ बिहीबार पक्राउ गरिएको प्रहरीले जनाएको छ ।

कम्मरभन्दा मुनिको भाग नचल्ने पालुङटार नगरपालिका–७ च्याङलीकी युवती घरमै बलात्कृत भएको पीडित परिवारले दिएको जायरीमा उल्लेख छ । ‘विहान भट्टीमा सँगै रक्सी खाएर मगरलाई पीडितका बुवाले घरमा खाना खान लगेछन्,’ प्रहरी निरीक्षक कमला नरालले भनिन्, ‘खाना खाएर बुवा सुतेछन्, त्यही मौका छोपेर मगरले युवतीलाई बलात्कार गरेछ ।’

छोरी रोएको आवाज सुनेर व्युँझिएपछि बलात्कार भएको थाहा पाएका उनले तत्काल प्रहरीमा उजुरी दिएका थिए ।