गण्डकी प्रदेश सरकारद्धारा घटस्थापनाका दिन सार्वजनिक बिदा

गण्डकी प्रदेश सरकारले घटस्थापनाको दिन (१२ असोज) मा सार्वजनिक विदा दिने घोषणा गरेको छ ।मन्त्रिपरिषदको बिहीबार बसेको बैठकले घटस्थापनाका दिन सार्वजनिक विदा दिने निर्णय गरेको सरकारका प्रवक्ता तथा भौतिक पूर्वाधार विकासमन्त्री रामशरण बस्नेतले जानकारी दिए ।

’प्रदेश सरकारले वर्षमा दिनसक्ने विदामध्येबाट घट्स्थापना दिन विदा दिने निर्णय गरेको हो, उनले भने, ’घटनास्थापनमा विदा दिनमाग गर्दे विभिन्न क्षेत्रबाट आवाज उठेको थियो ।सोहीअनुसार बिदा दिइएको हो।’

विभिन्न संघसंस्थाले घटस्थापनाका दिन सार्वजनिक विदा दिनुपर्ने माग सहित प्रदेश सरकरालाई ज्ञापनपत्र बुझाएका थिए। त्यसलाइ सम्बोधन गर्दै सरकारले उक्त दिन सार्वजनिक विदाको घोषणा गरेको हो ।

यस अघि घटस्थापनाको दिन दिँदै आईएको सार्वजनिक विदा संघीय सरकारले कटौती गरेको थियो । त्यसको बिरोधमा क्षत्री समाज नेपाल लगायतका संघ संस्थाले मुख्यमन्त्री पृथ्वी सुब्बा गुरुङ्लाई ज्ञापन पत्र नै बुझाएका थिए ।

यस्तै मन्त्रिपरिषदको बैठकले गरेका अन्य निर्णय पनि प्रवक्ता बस्नेले शुक्रबार सार्वजनिक गरेका छन्।