झगडामा छिमेकीले धकेल्दा बृद्दको मृत्यु

छिमेकीले धकेल्दा एक बृद्दको मृत्यु भएको छ । गुल्मी जिल्ला कालिगण्डकी गाउँपालिका वडा नम्बर – ६ तल्लोकोरेङ बस्ने ६४ वर्षीय दुर्गादत्त शर्मा ढकालको लडेर मृत्यु भएको हो ।

प्रहरीका अनुसार छिमेकी ४० वर्षीय टोप बहादुर सार्कीले धकेल्दा लडेको र उपचारको लागि लैजाँदै गर्दा बाटोमै मृत्यु भएको हो ।प्रहरीका अनुसार ढकाल र सार्की दुबै जनाले मादक पदार्थ सेवन गरेका थिए । दुबै जना मातेपछि झगडा हुँदा धकेला धकेल भएको हो ।

धकेलाधकेलमा लडेका ढकाललाई उपचारको लागि प्राथमिक स्वास्थ्य केन्द्र पुर्तीघाटतर्फ लगिएको थियो तर, उनको स्वास्थ्य केन्द्र नपुर्याउँदै मृत्यु भयो । ढकाललाई धकेल्ने सार्की पक्राउ परेका छन् ।