पोखरामा ६ लाख नगदसहित कौडा खेल्ने १५ जना पक्राउ

कास्की प्रहरीले कौडा खेलिरहेको अवस्थामा गएराती पोखराबाट १५ जनालाई नियन्त्रणमा लिएको छ ।

पोखरा महानगरपालिका–१८ चालिसे डाँडा स्थित एक रेष्टुरेन्टबाट अवैध रुपमा कौडा खेलिरहेकोे अवस्थामा राती १० बजेको समयमा ३२ थान कौडा, नगद रु छ लाख १० हजार सहित १५ जनालाई पक्राउ गरिएको प्रदेश प्रहरी कार्यालय गण्डकीका प्रहरी उपरीक्षक दीपक रेग्मीले जानकारी दिए ।

पक्राउ पर्नेहरुमा पोखरा महानगरपालिका वडा नं ६ बैदाम बस्ने वर्ष ४४ का खिमलाल पहारी, वर्ष ६० का विर बहादुर लामिछाने, वर्ष ४६ का चिन बहादुर भट्टराई, वर्ष ५४ का शक्ति पराजुली,वर्ष ३५ को सनोज पहारी,वर्ष ४५ को केदार थापा र वर्ष ३८ का लक्ष्मण कुँवर रहेका छन् ।

त्यसैगरि पोखा–६ बैदामका वर्ष ३३ का लक्ष्मण पहारी,वर्ष ५१ का कविराज पराजुली,वर्ष ४८ का ईश्वर श्रेष्ठ, बस्ने वर्ष ५८ का राम बहादुर थापा, पोखरा–१८ सराङकोट बस्ने वर्ष ४६ का महेन्द्र बहादुर थापा, भकुण्डे बस्ने वर्ष ५१ का धुब्र बहादुर थापा, पोखरा–११ रानीपौवाका वर्ष ४३ का पुर्ण तिमिल्सिना र पोखरा–६ बैदामका वर्ष ४० का बिमल देवकोटा रहेका छन् ।

प्रहरीले नियन्त्रणमा लिने क्रममा देवकोटा बाटोमा लड्न गई घाइते भई उपचारको लागि मेट्रोसिटी अस्पताल लगिएको प्रहरीले जनाएको छ ।
साथै नियन्त्रणको क्रममा दुई जना प्रहरी समेत घाईते भएको प्रहरी उपरीक्षक रेग्मीले जानकारी दिए ।