बस दुर्घटना, १० जना घाईते ५ को अवस्था गम्भिर

डोटीमा बस दुर्घटना हुँदा १० जना घाईते भएका छन । डडेल्धुराबाट महेन्द्रनगर तर्फ आईरहेको ना ४ ख ८२३५ नम्बरको बस जोरायल गाउँपालिका २ को गरुडमा दुर्घटना हुँदा १० जना घाईते भएको सुदुरपश्चिम प्रदेश ट्राफिक प्रहरी कार्यालयका प्रहरी निरिक्षक मोहन साँउदले बताए ।

घाईतेहरुलाई उपचारका लागि अत्तरियाको पद्यमा अस्पताल ल्याईएको छ । घाईतेमद्ये ५ जनाको अवस्था गम्भीर रहेको प्रहरी नीरिक्षक साउँदले बताए । बसमा २५ जना सवार रहेका थिए । बस सडकबाट १० मिटर तल खेतमा खसेको थियो ।