कांग्रेसको अभियान पोखरा ७ मा ; निष्ठावान उमेद्वार भन्दै मतदाताले गरे खुसियाली प्रकट

नेता कार्यक्रर्ताका साथ चुनावी प्रचारमा उमेदवार पौडेल

नेपाली कांग्रेस कास्की क्षेत्र नं २ को चुनावी प्रचार अभियान अन्तर्गत सोमवार पोखरा वडा नं ७ मा प्रचार प्रसार गरिएको छ ।

कांग्रेस नेता कार्यकर्तामाझ उमेद्वार खेमराज पौडेल पुग्दा स्थानीय मतदाताहरुले पार्टीले निष्ठावान नेतालाई उमेद्वार वनाएको भन्दै खुसियाली व्यक्त गरेका थिए ।

सो अवसरमा वोल्दै कांग्रेस उमेद्वार खेमराज पौडेलले पार्टीले दिएको जिम्मेवारी वहन गर्न आफू कुनै हालतमा पछि नपर्ने वताउँदै यो चुनावमा अत्याधिक मत दिएर विजयी वनाउन आग्रह गरे । उनले देशमा दुई तिहाईको सरकारले जनहित विपरित काम गरेको वताउँदै निष्ठाको राजनीति सिकाउन पनि आफ्नो उमेद्वारी भएको वताए ।

पछिल्लो समयमा नेपाली राजनीति बल मिच्याइँमा अगाडि वढेको वताउँदै उनले यसलाई सही ट्रयाकमा ल्याउनु पर्ने वताए । उनले पोखरा ७ का सवै गल्ली गल्लीमा पुगेर मत मागेका थिए ।