स्कुटर दुर्घटनामा परी पोखरा बागमाराका पौडेलको मृत्यु

पोखरामा स्कुटर दुर्घटनामा परी एक जनाको मृत्यु भएको छ । पोखरा महानगरपालिका वडा नं -३३ बागमारा स्थित चिसापानीको डांडागाउँबाट बागमारा तर्फ आउंदै गरेको ग ७ प ५२७६ नं को स्कुटर दुर्घटनामा परी सोही स्थान बस्ने बर्ष ३५ का पुरुषोत्तम पौडेलको मृत्यु भएको प्रदेश प्रहरी कार्यालय पोखराले जनाएको छ ।

सडकको बायाँ किनारको नालिमा च्यापिएको अवस्थामा पौडेललाई देखेपछी स्थानीयले प्रहरीलाई खबर गरेकोमा तत्काल प्रहरीको टोलीले उद्दार गरी अस्पताल पठाएकोमा चिकित्सकले पौडेललाई मृत घोषणा गरेका थिए ।

घटनाबारे अनुसन्धान भइरहेको जनाएको छ ।