म्याग्दीमा शिक्षिका माथी खुकुरी प्रहार गर्ने रमेश पुन पक्राउ

म्याग्दीको मालिका गाउँपालिका–२ रुम विलबाङमा रहेको राष्ट्रिय जनकल्याण आधारभूत विद्यालयकाी प्रअ इन्द्रकुमारी पुन माथि खुकुरी प्रहार गर्ने म्याग्दीको मालिका गाउँपालिका–२ रुम बिलबाङका २७ बर्षिय युवा रमेश पुनलाई प्रहरीले नियन्त्रण गरेको छ ।

पुनलाई खुकुरी प्रहार गरि गम्भिर घाईते बनाएर बागेका उनलाई ईलाका प्रहरी कार्यालय दरवाङबाट खटिएको प्रहरी टोलीले दिउस २ बजे निस्कोट र रुम विचमा रहेको खोलाबाट नियन्त्रणमा लिएकोे जिल्ला प्रहरी कार्यालय म्याग्दीका प्रहरी नायव उपरिक्षक महेन्द्रप्रसाद मरासिनीले जानकारी दिए ।

घटनाको विस्तृत अनुसन्धान थालिएको प्रहरीले जनाएको छ।बुधवार विहान करिब साढे ९ बजे बिलबाङबाट खबाङ स्थित विद्यालयतर्फ जाँदै गरेकी राष्ट्रिय जनकल्याण आधारभूत विद्यालयकी प्रअ इन्द्रुकुमारी पुनलाई खुकुरी प्रहार गर्दै गम्भिर घाईते बनाएका थिए ।

बाटोमा हिँडीरहेकै अबस्थामा प्रअ पुनमाथि खुकुरी प्रहार गर्दै गम्भिर घाईते बनेकी प्रअ पुनलाई उपचारका लागि हेलिकप्टरमार्फत मणिपाल शिक्षण अस्पतालमा लगिएको छ । घाइते भएकी पुनको कान, टाउको र हातमा गम्भिर चोट लागेको छ ।