मेडिकल कलेज माफियालाई सम्पत्ति शुद्धिकरणको झापड छापा तीन कलेजमा हान्यो छापा

चितवनको चितवन मेडिकल कलेज, वीरगञ्जको नेशनल मेडिकल कलेज र विराटनगरको नोबेल मेडिकल कलेजमा सम्पत्ति शुद्धिकरण विभागले छापा मारेको छ। विभागले आइतबार एकैपटक तीनवटा मेडिकल कलेजमा छापा हानेको हो।

सरकारले अतिरिक्त शुल्क फिर्ता गर्न दिएको निर्देशन मेडिकल कलेजहरुले अटेरी गरेपछि मेडिकल कलेजका विद्यालीहरु आन्दोलित छन्।वीरगञ्जको नेशनल मेडिकल कलेजमा शुल्क फिर्ता गर्न माग गर्दै आन्दोलन गरेपछि कलेज प्रशासनले आफूहरुलाई बन्धक बनाएको र गुण्डागर्दी शैलीमा धम्काएको भन्दै उपत्यका बाहिरका मेडिकल कलेजका विद्यार्थीहरु केही समयअघि काठमाडाैँ आएर आन्दोलन गरेका थिए।

मेडिकल कलेजका विद्यार्थीहरु चिकित्सा शिक्षा संघर्ष समितिसमेत गठन गरेर आन्दोलनमा होमिएका छन्।आइतबार विभागले छापा हानेर मेडिकल कलेजबाट केही महत्वपूर्ण कागजातहरु नियन्त्रणमा लिएको स्रोतले जानकारी दिएको छ।

प्रधानमन्त्री केपी शर्मा ओलीले आइतबार एक कार्यक्रममा बाेल्दै मेडिकल कलेजहरुले विद्य‌ार्थीसँग असुलेकाे बढी शुल्क फिर्ता गराउने बताएका थिए।