सुदूरपश्चिममा भूकम्पको धक्का

सुदूरपश्चिम प्रदेशको राजधानी धनगढीसहितका ठाउँमा भूकम्पको धक्का महसुस गरिएको छ।मंगलबार बेलुका ७ बजेर १९ मिनेट जाँदा सुदूरपश्चिमका जिल्लामा भूकम्पको धक्का महसुस भएको हो।

अमेरिकी भौगर्भिक सर्वेका अनुसार डोटीको दीपायल केन्द्रबिन्दू बनाएर ५ दशमलव ६ रेक्टरस्केलको भूकम्प गएको हो।दीपायल केन्द्र भएर गएको भूकम्पको धक्का भारतमा समेत महसुस गरिएको छ।

भारतीय सञ्चारमाध्यमहरुले भारतीय राज्य उत्तराखण्ड, उत्तर प्रदेश र दिल्लीसम्म भूकम्पको धक्का महसुस भएको जनाएका छन्।भूकम्पका कारण कुनै भौतिक तथा मानवीय क्षति भएको विवरण भने प्राप्त भएको छैन।

प्रहरी प्रधान कार्यालयले सुदूरपश्चिम प्रदेशका सबै जिल्लामा भूकम्पको धक्का महसुस गरिएको जानकारी प्राप्त भएपनि क्षतिबारे कुनै जानकारी प्राप्त नभएको जनाएको छ।