कास्कीको थामाको डाँडामा ब्रेक फेल भएर बस दुर्घटना, ११ जना घाइते

कास्कीमा बिहिबार बस दुर्घटना हँदा ११ जना घाइते भएका छन् ।अन्नपूर्ण गाउँपालिका-४ सल्यानदेखि पोखरा आउँदै गरेको ग १ ख ३७७६ नम्बरको बस काँडे–भदौरे सडकखण्डअन्तर्गत पर्ने थामाको डाँडामा दुर्घटनामा परेको हो ।

२२ जना सवार बस ब्रेक फेल भएर दुर्घटना भएको बताइएको छ । घाइते सबैको मणिपाल अस्पतालमा उपचार भइरहेको वडा प्रहरी कार्यलय बगरका प्रहरीले जानकारी दिएको छ ।

घाइतेहरुको अवस्था मध्यम रहेको छ । घटनाका विषयमा थप अनुसन्धान भइरहेको उनले जानकारी दिए ।