बोक्सो आरोपमा वडाध्यक्षलाई जुत्ताको माला

बोक्साको आरोपमा चितवनको इच्छाकामना गाउँपालिका २ का वडाध्यक्षमाथि कुटपिट भएको छ ।

वडाध्यक्ष पञ्चबहादुर प्रजामाथि शनिबार साँझ स्थानीयबासीको एक समूहले कुटपिट गर्दै जुत्ताको माला समेत लगाइदिएका थिए । उनलाई कालोमोसो मोसो दलेर मानव मलमुत्र खुवाउने प्रयाससमेत भएको छ ।

जोखालाल चेपाङको घरमा भएको वडा कार्यालयमा नेपाली कांग्रेसका नेता कार्यकर्ताले तालाबन्दी गरेका थिए । तालाबन्दीपछि वडाको सामान सामुदायिक भवनमा सार्ने क्रममा विवाद भएको थियो । त्यही क्रममा उत्तरकुमार गुरुङ सहितको समूहले वडाध्यक्षलाई कालोमोसो दल्नुका साथै जुत्ताको माला लगाएका हुन् ।

पदीय जिम्मेवारी पूरा नगरेर वा सेवाग्राहीलाई दुस्ख दिएकाले प्रजालाई मोसो दलिएको नभई उनीमाथि बोक्सोको आरोप लगाएको प्रजाको भनाई छ । पञ्चबहादुर प्रजा नेपाल कम्युनिष्ट पार्टी ९नेकपा०बाट निवार्चित वडाध्यक्ष हुन् ।

घटनामा संलग्न भएको आरोपमा प्रहरीले उत्तरकुमार गुरूङ र बिर्खबहादुर गुरूङलाई पक्राउ गरेको छ । यसैबीच नेकपाले विज्ञप्ति जारी गर्दै वडाध्यक्ष प्रजालाई कांग्रेस कार्यकर्ताहरुले दुर्व्यवहार गरेको भन्दै कारबाहीको माग गरेको छ ।