पोखरामा पहिलो आकाशे पुल, मुख्यमन्त्रीद्धारा शिलान्यास

पोखरामा बदढो ट्राफिक जामलाई मध्यनजर गदै आकाशे पुल निर्माण हुने भएको छ । पर्यटकीय शहर पोखरा महानगरपालिका डा नम्वर ८ मा बन्ने पहिलो आकोश पुलको शुक्रबार गण्डकी प्रदेशका मुख्यमन्त्री पृथ्वीसुब्बा गुरुङले शिलान्यास गरे ।

२ करोड ३० लाख ११ हजार रुपैयाँको लागतमा बन्ने पुल चैत मसान्त सम्म निर्माण सम्पन्न गर्ने योजना रहेको महानगर वडा नम्वर ८ का अध्यक्ष रुद्रनाथ बरालले बताए । पोखरा महानगरपालिकाको २ करोड र स्वः सांसद रवीन्द्र अधिकारीले सांसद विकास कोर्षमा मार्फत विनियोजन गरेको ५० लाख रुपैयाँ गरि २ करोड ३० लाख ११ हजारको लागतमा पहिलो आकाशे पुल बन्न लागेको हो ।

शिलन्यास कार्यक्रममा बोल्दै गण्डकी प्रदेशका मुख्यमन्त्री पृथ्वीसुब्बा गुरुङले पोखरालाई व्यवस्थित सहर बनाउन पोखराका सडकहरुलाई चार लेनको बनाइने बताए । उनले छोरेपाछन देखि सृजनाचोकसम्मका सडकहरु चार लेनका बनाउने योजना रहेकाले सडक बनाउदाँ भत्काउन नपर्ने गरि पुल बनाउन आग्रह गरे ।

उनले पोखरा दश वर्षपछि काठमाडौमा जस्तै ट्राफिक जामको समस्या हुने भन्दै अहिल्यैबाट योजनाबद्ध विकासमा ध्यान दिनुपर्नेमा जोड दिए । पोखराको सुन्दरता र स्वच्छतालाई कायम राख्नुपर्ने मुख्यमन्त्री गुरुङले बताए ।

पोखरा महानगरपालिकाका प्रमुख मानबहादुर जिसीको अध्यक्षतामा भएको कार्यक्रममा प्रदेश सांसद दीपक कोइराला, विन्दुकुमार थापा, पोखरा महानगरका उपप्रमुख मञ्जुदेवी गुरुङ, वडा अध्यक्ष रुद्रनाथ बराल लगायतले आकाशे पुल निर्माणले ट्राफिक व्यवस्थापनमा सहज हुने बताए ।

करिब १ वर्षअघिनै निर्माण भएको आकाशेपुलको डिजाईन एक ठाउँबाट चढेपछि सजिलै चारैतिर जान सकिने छ । जमिन मुनी कंक्रिटको प्रयोग हुने छ भने माथी स्टीलको संरचना रहनेछ ।