सभामुखका उम्मेदवार अग्नि सापकोटा

सत्तारुढ दल नेपाल कम्युनिस्ट पार्टी (नेकपा)का दुई अध्यक्ष अग्नि सापकोटालाई सभामुखको उम्मेदवार बनाउन सहमत भएका छन् ।

सत्तारुढ दलले लामो समयदेखि रिक्त रहेको सभामुखको उम्मेदवारमा नेकपाका स्थायी कमिटी सदस्य अग्नि सापकोटालाई बनाउन दुई अध्यक्ष सहमत भएको बताइएको छ ।

कसलाई सभामुख बनाउने भन्नेबारेमा आज दिउँसो ४ बस्ने सचिवालय बैठकले निर्णय गर्नेछ । अध्यक्षद्वयबीचको पटकपटकको छलफलमा यो विषयमा सहमति हुन सकेको थिएन ।

तत्कालीन सभामुख कृष्णबहादुर महराले १४ असोजमा राजीनामा दिएपछि उक्त पद रिक्त रहेको थियो । तत्कालीन माओवादीले आफूले उक्त पद पाउनुपर्ने दाबी गर्दै आएको थियो ।