शिक्षासेवी गणेशबहादुर गुरुङको निधन

शिक्षासेवी तथा पृथ्वीनारायण क्याम्पसका पुर्व प्रमुख गणेशबहादुर गुरुङको निधन भएको छ ।

पोखरा ९ नयाँबजार स्थित घरमा सोमवार विहान ९ बजे गुरुङको निधन भएको पारिवारिक स्रोतले जनाएको छ । उनले लामो समय पृथ्वीनारायण क्याम्पसमा प्राध्यापन गरेका थिए ।

८६ वर्षीय गुरुङ विगत एक वर्षदेखि प्रोटेष्टको विरामी थिए । तत्कालीन राजपरिषदको स्थायी समितिका सदस्य समेत रहिसकेका गुरुङ विभिन्न सामाजिक संघसंस्थामा सल्लाहकार पनि थिए ।

पर्वत जिल्ला, फलेवास नगरपालिका वडा नं ८ चारभन्ज्याङ खाल्टे गुरुङको जन्मथलो हो ।पोखराको रामघाट स्थित बौद्ध अर्घौं सदनमा गुरुङको अन्त्येष्टि गरिएको छ।

गुरुङको निधनले अपुरणीय क्षति पुगेको भन्दै विभिन्न सामाजिक संघ संस्थाले शोक व्यक्त गरेका छन् ।