थुनामा राख्न उच्च अदालतको आदेशलगत्तै सिद्धबाबा भागे

उच्च अदालत विराटनगरले सिद्धबाबाका नामले चिनिएका कृष्णबहादुर गिरीलाई थुनामा राख्न आदेश दिएको छ ।

धरौटीमा छाड्ने जिल्ला अदालत मोरङको आदेश बदर गर्दै उच्च अदालत विराटनगरका मुख्य न्यायाधीश तिलप्रसाद श्रेष्ठ र प्रेमराज कार्कीको संयुक्त इजलासले गिरीलाई थुनामा राखेर मुद्दाको प्रक्रिया अघि बढाउन आदेश दिएकाे हाे ।

सिद्धबाबामाथि महिला अनुयायीमाथि बलात्कार गरेको अभियोग छ । जिल्ला अदालतले उनलाई ३ लाख धरौटीमा छाड्न आदेश दिएको थियो ।

त्यसविरुद्ध उच्च अदालतमा उनैले दायर गरेको निवेदनमा सुनुवाइ गर्दै उच्च अदालतले उनलाई थुनामा पठाउन आदेश दिएको हो । अदालतको आदेश नआउँदै उनी भारततिर भागेको प्रहरीकाे दाबी छ ।