एमसीसीका लागि देशलाई धितो राख्न सकिदैन ; सांसद दुर्गा पौडेल

प्रधानमन्त्री एवं नेकपा अध्यक्ष केपी शर्मा ओली र प्रमुख प्रतिपक्ष दलका नेता शेरबहादुर देउवाले एमसीसी संसदबाट पारित हुने बताइरहेका बेला राष्ट्रिय जनमोर्चाकी सांसद दुर्गा पौडेलले राष्ट्रलाई धितो राखेर एमसीसी स्वीकार गर्न नसकिने बताएकी छिन् ।

एमसीसीका बिषयमा सवैभन्दा चर्काे विवाद सत्तारुढ दल नेकपाभित्र छ । राष्ट्रिय जनमोर्चाले पनि एसियन मुलुकलाई घेराबन्दी गर्ने गरी अमेरिकाले एमसीसी अघि सारेको सांसद पौडेलले बताइन ।

‘एमसीसी इन्डो प्यासेफिक रणनीतिको अंग हो, यो कुरा अमेरिकन दूतावासले पनि प्रष्ट पारिसकेको छ’ सांसद पौडेलले भनिन् ‘देशलाई धितो राखेर एमसीसी स्वीकार गर्न सकिदैन । बल मिच्याई पनि गर्न हुँदैन ।

मंगलबारकै प्रतिनिधिसभामा प्रधानमन्त्री ओलीले एमसीसी पारित हुने संकेत गरेका छन् भने विपक्ष दलका नेता देउवाले एमसीसी पारितमा ढिला गर्न नहुँने तर्क गरेका थिए ।