सिरहामा बाल शिक्षिकालाई पाँच दिने प्रारम्भिक साक्षरता तालिम

महेश सिंह
सिरहाको लहानमा पाँच दिने बाल शिक्षिकाहरुका लागि प्रारम्भिक साक्षरता तथा पुर्व गणितीय सीप तालिम सम्पन्न भएको छ ।

बाल बिकास केन्द्रमा साक्षरता तथा गणितीय सीपको सामग्रीहरुको प्रयोग गर्न बाल शिक्षिकाहरुलाई सक्षम बनाउनका साथै अध्ययनरत बाल बालिकाहरुको सिकायमा सहयोग पुग्ने उदेश्यले तालिम संचालन गरेको आयोजक सबल नेपालका शिक्षा अधिकृत निरबहादुर आले मगरले जानकारी दिए ।

सप्तरीको सुरुङ्गा नगरपालिका र खडक नगरपालिकाको समन्व्य र सेभ द चिल्ड्रेनको सहयोगमा संचालित तालिममा नगरपालिकाका २५ वटा बाल बिकास केन्द्रका २५ बाल शिक्षिकाको सहभागिाता रहेको थियो ।

तालिमको सहजिकरण सेभ द चिल्ड्रेनका शिक्षा बिभागका प्रोग्राम कोर्डिनेटर रिता तामाङ र सबल नेपालका शिक्षा अधिकृत निर बहादुर आले मगरले गरेका थिए भने तालिमको सहजिकरण गर्नमा सहयोग सबल नेपालका सुपरभाईजर अजय कुमार साह , राधा कुमारी चौधरी र डिकुरा पोखरेलले गरेका थिए ।