‘रविन्द्र स्मृति पर्यटन पुरस्कार’को स्थापना

तत्कालीन मन्त्री रविन्द्र अधिकारीको सम्झनामा ‘रविन्द्र स्मृति पर्यटन पुरस्कार’ स्थापना हुने भएको छ। सिंहदरवारमा बिहीबार आयोजित प्रथम स्मृति सभामा संस्कृति, पर्यटन तथा नागरिक उड्डयन मन्त्री योगेश भट्टराईले उक्त पुरस्कारको घोषणा गरेका हुन्।

उक्त पुरस्कार रविन्द्र अधिकारीको स्मृति दिवसको अवसर पारेर हरेक वर्ष फागुन १५ गते वितरण गरिने मन्त्री भट्टराईले जानकारी दिए।

यसवर्षको पुरस्कार भने रविन्द्र अधिकारीको जन्मदिनको अवसर पारेर वैशाख २५ गते वितरण गरिने उनले बताए। उनका अनुसार पर्यटन क्षेत्रमा योगदान पुर्‍याउनेहरुलाई यो पुरस्कारबाट सम्मान गरिनेछ।

एक वर्षअघि आजकै दिन हेलिकोप्टर दुर्घटनामा परी तत्कालीन सँस्कृति, पर्यटन तथा नागरिक उड्डयन मन्त्री रविन्द्र अधिकारीसहित नेपाल नागरिक उड्डयन प्राधिकरणका उपमहानिर्देशक वीरेन्द्रप्रसाद श्रेष्ठ, नेपाल नागरिक उड्डयन प्राधिकरणका निर्देशक ध्रुव भोछिभोया, प्रधानमन्त्री कार्यालयका उपसचिव युवराज दाहाल, पाइलट क्याप्टेन प्रभाकर केसी, यति एयरलाइन्सका अध्यक्ष आङछिरिङ शेर्पा र नेपाली सेनाका जमदार अर्जुनकुमार घिमिरेको निधन भएको थियो।

उनीहरु पाथिभरा मन्दिरको दर्शन गरेर फर्किने क्रममा ताप्लेजुङको पाथिपरा क्षेत्रमा हेलिकोप्टर दुर्घटना भएको थियो।