युनाईटेड क्लवद्धारा विद्यार्थीलाई पोशाक वितरण

युनाईटेड क्लवले कास्कीको मौजामा रहेको सरस्वती विरमाया आधारभुत विद्यालयमा अध्ययनरत विद्यार्थीहरुलाई विद्यालय पोशाक वितरण गरेको छ ।

स्थापना कालदेखी शिक्षा, स्वास्थ्य, खेलकुद, पर्यटन प्रवद्र्धनका लागी चिडियाखान निर्माणको काम गर्दै आइरहेको क्लवले शिक्षा कार्यक्रम अन्तर्गत पोखरा २० मौजामा रहेको सरस्वती विरमाया आधारभुत विद्यालयमा अध्ययनरत ३४ जना विद्यार्थीहरुलाई विद्यालय पोशाक वितरण गरेको हो ।

कार्यक्रममा पोखरा महानगर वडा नम्बर २० का अध्यक्ष सिम बहादुर गुरुङले सामाजिक काम गरेर अग्रणी स्थानमा रहेको युनाईटेड क्लवले दुरदराजका विद्यालयहरुमा अध्ययनरत विद्यार्थीहरुलाई पोशाक वितरण गरेको भन्दै प्रसंशा गरे ।

विद्यालय ब्यवस्थापन समितिका सदस्य देव वहादुर गुरुङले ग्रामीण भेगमा रहेको विद्यालयमा अध्ययन गर्ने विद्यार्थीहरुको अवस्था अतिनै नाजुक रहेको बताउदै विपन्न परिवारका विद्यार्थीहरु अझैपनि विद्यालय पोशाक किन्न नसकिरहेको बताए ।

विद्यालयका प्रध्यानाध्यापक कृष्ण प्रसाद पोखरेलले युनाईटेड क्लवले सामाजिक अभियान अन्तर्गत शिक्षाको कार्यक्रममा आफ्नो विद्यालयलाई छानेर विद्यालयमा अध्ययनरत विद्यार्थीहरुलाई पोशाक वितरण गरेकोमा धन्यवाद ब्यक्त गर्दै आगामी दिनमा समेत निरन्तरता दिन आग्रह गरे ।

युनाईटेड क्लवका निवर्तमान अध्यक्ष सुक बहादुर गुरुङले युनाईटेड क्लवले स्थापना कालदेखीनै सामाजिक काम गर्दै आइरहेको बताए।

क्लवका प्रथम उपाध्यक्ष तथा शिक्षा उपसमिति संयोजक राजु श्रेष्ठले युनाईटेड क्लवले सरस्वती विरमाया आधारभुत विद्यालय जस्ता दर्जनौ विद्यालयहरुमा शैक्षिक सामाग्री,जेहेन्दार विद्यार्थीलाई छात्रवृत्ति कोषहरु स्थापना लगायतका कार्य गर्दै आएको बताउँदै आगामी दिनमा पनि निरन्तरता दिने वताए ।

युनाईटेड क्लवका अध्यक्ष लालकाजी गुरुङको अध्यक्षतामा सम्पन्न कार्यक्रममा क्लवका पदाधिकारी तथा शिक्षा उपसमिति तथा कार्यसमिति सदस्यहरुको सहभागीता रहेको थियो ।